Үзэг балны хайрцаг ийм байвал ямар вэ?

Хуучин сэтгүүл, каталог ашиглаад ийм хөөрхөн хайрцаг сүлжсэн. Манайд ирсэн дүүдээ бэлэглэв. Зөндөө их баярлаад л аваад явсан. Одоо баахан үзэг, бал, хичээлийн хэрэгслээр дүүрчихсэн байгаа байхаа.Хажуугаас нь харахад иймэрхүү.

Дотор тал нь нэг иймэрхүү

Хийхэд амархан, хийсэн хойно бат бэх, үзэмжтэй бас хэрэглэхэд авсаархан хөөрхөн хайрцаг болсон доо.

Миний бүтээл

Миний бүтээл үргэлжилсээр...

Гэрийнхээ хуучирч будаг нь халцарсан давс, элсэн чихэрний савыг будаж янзлаад гоё болголоо. Өмнө нь ийм сав байв.

Харин будаж лакдаж янзлаад ийм болгов.

Ялгахын тулд Сахар, Давс, Цай гээд биччихсээн бас. Юмхнаар юм хийнээ гэж.

Миний бүтээл 2 /Декупаж/

Декупажаар гэрийнхээ цэцгийн савуудаа гайхалтай болгох боломжтой.
1. Ийм цэцгийн сав байлаа.

Харин засч янзлаад ийм болгов.

2. Бас өөр нэг ийм цэцгийн сав байна.

Үүнийг декупаж ашиглан ийм гоёмсог болгосон доо.

Одоо зарим хүмүүс цэцгийн саваа ийм болгуулъя гээд байгаа. Би бүгдийг нь хийж өгч чадахгүй учраас хийх аргыг нь л зааж өгнө дөө.

Миний бүтээл (Декупаж)

Өөрийн хийсэн бүтээлээ блогтоо хийж сонирхуулах болсондоо баяртай байна. Чадвал өдөр бүр шинэлэг, өнгөлөг бүтээлээсээ сонирхуулсаар байх бодолтой байна.
   1. Зээ дүүгийнхээ төрсөн өдрөөр хийж өгсөн бүтээл
  Дууссан тосны савыг охидын үсний боолт хийдэг хөөрхөн сав болголоо.

Ийм сав байснаа харин одоо

ийм болжээ. Таг нь

ийм хөөрхөн болсон.
2. Хэрэггүй хаях гэж байсан хайрцагийг утас зүүний хайрцаг болгож өөрчилсөн.
Анх ийм хайрцаг байлаа.

Харин одоо ийм хөөрхөн хайрцаг болсон шүү.

Декупажийн урлаг сонирхолтой бөгөөд хүний сэтгэлгээг хөгжүүлдэг. 

Декупаж хийж сурсан минь

3 жилийн өмнө Япон улсад суралцаж байх үедээ маш олон сургалтанд сууж байлаа.
Оригами буюу Цаасан нугалбарын сургалт, 
Киригами буюу Цаасан хайчилбарын сургалт,
мөн Икэбана буюу Цэцгийн урлагийн сургалт,
Каллиграф буюу Уран бичлэгийн сургалт,
Гарын доорх материалаар сагс, хайрцаг хийх сургалт,
Декупаж урлалын сургалт,
Даавуун материалыг сонгино болон ургамал ногоо ашиглан байгалийн өнгө оруулдаг сургалт гээд маш олон сургалтанд сууж их зүйл сурсан. Түүний дотроос надад Деко Арт /Япончууд ингэж товчилж хэлдэг юм/ сургалт маш их таалагдаж байлаа. Японд өөрийн хийж байсан бүтээлийнхээ зургийг аваад удахгүй блогтоо хийж үзүүлнээ.
  Тэрнээс хойш декупаж урлагийг маш их сонирхон өөрөө маш олон зүйл хийсээр байна. Өнөөдрөөс эхлэн хийсэн зүйлсээ нэг нэгээр нь өдөр бүр блогтоо оруулж үзүүлэхээр шийдлээ. Бас найз нөхөд, дүү нар гээд нэлээн олон хүмүүсийн хүсэлтээр Японд сурсан зүйлсээсээ ялангуяа Декупаж урлагийн талаар хуваалцаж, заавар зөвлөгөө өгөх болно.    

Декупаж урлагт суралцъя.

  ДЕКУПАЖ УРЛАГ ГЭЖ ЮУ ВЭ?

    Декупаж (Франц.-decouper-хайчилах) гэх урлал нь мод, арьс шир, даавуу, цаас зэрэг төрөл бүрийн материалаас гоёмсог дүрс хайчилж  шилэн сав, хуванцар сав, сав суулга, тавилга, гэр ахуйн эд хогшил дээрээ нааж тогтоон, чимэглэх урлаг юм.

 Энэхүү урлагийн үүслийн талаар олон таамаг, судлагаа байдаг боловч хамгийн оновчтой нь 12-р зууны үед Сибирт үүссэн гэх таамаг юм. Тухайн цаг үед сурвалжит гаралтай ихэс дээдэс нас барахад булшных нь чулууг чимэглэдэг байсан байна. Улмаар энэ нь Хятадад дэлгэрч, эрчимтэй хөгжөөд тун удалгүй Италид декупажын урлаг илүү хөгжсөн байна. 

Тухайн үед дэлхийн сонгодог бүтээлүүд асар үнэтэй байсан тул худалдан авч дийлэхгүй дундаж болон бага орлоготой хүмүүс тэдгээр бүтээлүүдийн хуулбар декупажыг худалдан авч байсан байна. Декупаж урлаг нь жинхэнэ утгаараа Францад илүү хөгжиж, урлагийн бүтээл туурвиж эхэлсэн байна. 

   Хэрэггүй болсон сав суулга, хайрцаг, дарсны лонх, варений шил, цэцгийн сав, ваар гэх мэт маш олон материалыг гайхамшигтай урлагийн бүтээл мэт болгох боломжийг энэ урлаг олгодог. 

  Өнөөдрөөс эхлэн хамтдаа декупаж хийж сурцгаая. 

Амжилт хүсье.

    

 

НУУЦ-ын тухай

НУУЦ-ын тухай гайхамшигтай видео үзээрэй.
Бодол биелдэг.
Юу бодож буйгаа анзаарч бай. Бодол үг болдог.
Юу хэлж буйгаа хянаж бай. Үг үйлдэл болдог.
Юу хийж буйгаа анхаарч бай. Үйлдэл зуршил болдог.
Юу хийдгээ анзаарч бай. Зуршил зан чанар болдог.
Зан чанараа анхаарч бай. Зан чанар хувь тавилан болдог.

НУУЦ-ыг өдөр бүр хэрэгжүүлж амьдралаа өөрчилцгөөе.

https://www.youtube.com/watch?v=f6RLoPM1-FY
Амжилт хүсье

Энэ их гоё шүлэг шүү. Би их дуртай. Уншихаар сэтгэл цэлмээд нээх сайхан болдог юм. 

Маш гоё шүлэг шүү.

         

 Д.Нямсүрэн

                   Дөрвөн цаг

Бороо ганц нэг дуслах нь сайхан
Борог өвс норсон байх нь сайхан
Хаврын цас гэр лүү урсах нь сайхан
Хаа нэгтээ шувууд ганганах нь сайхан.

Алтан хараацай дэргэдүүр нисэх сайхан
Аяны хүн манай уяанд буух сайхан
Айлын маань айлд бүсгүй байх сайхан
Айл нүүж ирэх сайхан.

Хангайн бороо гэнэт асгах нь сайхан
Харанхуйн дунд цахилгаан гялбах нь сайхан
Хонон өнжин бороо зүсрэх нь сайхан
Холоос гийчин ирэх сайхан.

Шаргал талын өвс халиурах нь сайхан
Шанхны үзүүрт салхи сэвэлзэх нь сайхан
Сартай шөнө бухал дээр унтах сайхан
Чамайг зүүдлээд, газарт ойчих сайхан.

Үе үе бороо амсхийх сайхан
Өлгөсөн цувнаас ус дусах нь сайхан
Үүлэн чөлөөнөөс нар гарах нь сайхан
Үүдээр болжморууд нисэн өнгөрөх сайхан.

Шөнө дөлөөр хүлэг морь янцгаах нь сайхан
Шүлэг нойрноос сэрж орчлонг бодох сайхан
Өрхний завсраар гэгээ орох сайхан
Өглөө болох сайхан.

Цайран цайран бороо орох нь сайхан
Цавьдар морьтой хүн наашаа давхих нь сайхан
Борооноос өмнө ирлээ гэж ярих нь сайхан
Боржгон эмээлээ аваад орж ирэх нь сайхан.

Хөх лонхон тогоруу дуугарах нь сайхан
Хөдөө цайдам борооших сайхан
Анирхан ахуйд цэцэг дохих сайхан
Аадрын өмнөх байдал сайхан.

Тооноор сар гэрэлтэх сайхан
Тогоотой сүүнд тусах сайхан
Шөнө орой гарах сайхан
Чөдөртэй морь тургилах сайхан.

Шиврэн шиврэн бороо орох сайхан
Ширэг зүлэг ногоорох сайхан
Зүүн өмнө солонго татах сайхан
Зүсэр бороо гэрэлтэх сайхан.

Гэгээн борооны усыг тосох сайхан
Гэзэг үсээ хүүхнүүд угаах сайхан
Агь хөмүүлийн үнэр сэнгэнэх сайхан
Аясхан бодол хол ойрыг санах сайхан.

Үдшийн бүрийгээр ирэх сайхан
Үүрийн гэгээгээр явах сайхан
Өнгөт дэлхий нь уяран уйлмаар сайхан
Өргөн хорвоо нь дуулан жаргамаар сайхан.

Эх нутаг минь шүлэг шиг сайхан
Эх орон минь дуу шиг сайхан
Эргэх дөрвөн цагт амьд явах сайхан
Эрээнцавд бороо орох сайхан.

2.
Өглөө болоход цас орсон байх нь сайхан
Өрхний оосор даялахад тооноор цас унах сайхан
Гадаа уул толгод гялалзах нь сайхан
Ганц нэг өвс салхинд сэвэлзэх нь сайхан.

Үдэш орой айлын гэрэл харагдах сайхан
Үрээ морины хөл хөнгөрөх сайхан
Хонох айлд үеийн бүсгүй байх сайхан
Хоточ нохой сарны гэрэлд хуцах сайхан.

Тооноор цас будран орох нь сайхан
Тогооны таган дээр унаад хайлах нь сайхан
Гэрийн хойморт аав суух сайхан
Гэрэлтэй үүдээр ижий орж ирэх сайхан.

Хөтлийн оройд нар тусах сайхан
Хөсөг тэрэг гарч ирэх сайхан
Тэрэгний дугуй чахран чухран эргэх нь сайхан
Тэргэн доороос шувуу нисэх сайхан.

Тэнгэр будангуйрч сундайх нь сайхан
Тэртээ холын юм үзэгдэх үгүйтээ нь сайхан
Салхи эргэж утаа хуйрагнах сайхан
Цас эргэлдэн эргэлдэн малгайлах сайxан

Зуухны галд нозоорон нойр хүрэх сайхан
Зуны орой согтов гэж тэрхэн зуур зүүрмэглэх сайхан
Хээ-.. Цай уу гэж бүдэг бадаг үг дуулах сайхан

Цайдам хоолойтой цайвалзаж цахилах сайхан
Цаадах уулс гял гялсхийн харагдах сайхан
Цас шуурч тогтоод гялбас гялбасхийх сайхан
Цагаан өндөр мэлтэс мэлтэсхийх сайхан

Одод тодрох нь сарны ойролцоо илүү сайхан
Онгон талд адуу минь байх шиг сайхан
Он цагийн гурван марал бодол зөгнөх сайхан
Ондоо гаригийн хөлөг ирж явах шиг сайхан

Цас орон орон лавсах нь сайхан
Цаг эргэж ирэх сайхан
Царайлагхан чамайгаа, намайг тоогоогүйг тоосон гэж бодох сайхан
Цаг гэрт цохилсоор байх нь сайхан

Тэргэл сартай шөнө гадаа зогсох сайхан
Тэргэн дээр хураасан бараа сүглийх нь сайхан
Тэртээх хөндий цайвартаж сүүдэртэх нь сайхан
Тийшээ очмооргүй аймар санагдах сайхан.

Явган шуурга гадаа исгэрэх сайхан
Яндан юмуу нэг юм, хаа нэгтээ дар дархийх сайхан
Гэнэт гэнэт нүдгүйлэн харанхуйлах нь сайхан
Гэрийн хаяагаар цас хунгарлах нь сайхан

Айлын гэрээс хүмүүс гарцгаах нь сайхан
Арилсан тэнгэрт шувууд нисэх сайхан
Уул тал руу гүйх сайхан
Улаан хацартай хүүхдүүд тоглох сайхан

Үдшийн бүрийгээр ирэх сайхан
Үүрийн гэрээгээр явах сайхан
Өнгөт дэлхий нь уяран уйлмаар сайхан
Өргөн хорвоо нь дуулан жаргамаар сайхан

Эх нутаг минь шүлэг шиг сайхан
Эх орон минь дуу шиг сайхан
Эргэх дөрвөн улиралд амьд явах сайхан
Эрээн цавд цас орох сайхан

3.
Цас хайлж, ханзрах сайхан
Цаг ирэх сайхан
Чамайг хүлээх сайхан
Цаг харах сайхан

Шувуу ирээд буух сайхан
Чулуун дээр суугаад нисэх сайхан
Харгуй замаар хүн явах сайхан
Хадан дээр би суух сайхан

Айлын бүсгүй усанд явах сайхан
Арын булаг руу дурандах сайхан
Цэнхэр зэрэглээ сүүмэлзэх нь сайхан
Цэнхэр дээл чамд зохих нь сайхан

Толгодын орой зэргэлтэх нь сайхан
Торгон салхи сэвэлзэх сайхан
Хөх ногооны униар татах сайхан
Хөх мананд ороолгон суух сайхан

Амгалан шөнө нойр хулжих сайхан
Алсын чимээ анирлах сайхан
Бүүр түүр холд нэг юм жингэнэх сайхан
Бүүвэй бүүвэй хорвоо сайхан

Хэн нэгэн ирээд явах сайхан
Хэрэг болгож надаас, гал байна уу? гэх сайхан
Ертөнцийг аргадах хийгээд, бусдыг бодох сайхан
Юм бүхнийг хайрлах, гол мөрөн урсах сайхан

Цөн түрж, гол урсах нь сайхан
Цөмөрвөл, би бас урсана даа гэж бодох сайхан
Өглөө голын эрэгт, ганцаархнаа сайхан
Орой голын эрэгт, хоёулаа сайхан

Хашаа тэргэн дээр шаазгай үглэх сайхан
Хаанаас хэн ирэх нь зөн шиг сайхан
Дөрвөн зүгээс ураг садан ирэх нь сайхан
Дөтийн замаар хань нөхөд ирэх нь сайхан

Цэнхэрлэж нутгийн бараа харагдах нь сайхан
Цэлэлзэх нүдний нулимс гарах нь сайхан
Дөрөөн дээр өндийгөөд исэгрэн давхих сайхан
Дөрвөн туухай хооронд шувуу нисэх сайхан

Хаврын өглөө эрт босох сайхан
Хазаар аваад моринд явах сайхан
Сэрүүн цас үнэртэх нь сайхан
Сэмжин өөхнөөс нь хүлхэх сайхан

Он он жил хөдөө суух сайхан
Од мэт хөх дан сууцанд амьдрах сайхан
Дээр яваа сансрын хөлөг эргэж ирэх сайхан
Дээврийн цас хайлж янжуур цог дээр дусах сайхан

Ургамал цэцэг ургаж ногоорох нь сайхан
Утасны мод хөхөрч гандах нь сайхан
Он жилүүд ирэх сайхан
Он жилүүд одох сайхан

Үдшийн бүрийгээр ирэх сайхан
Үүрийн гэгэээгээр явах сайхан
Өнгөт дэлхий нь уяран дуулмаар сайхан
Өргөн хорвоо нь дуулан жаргамаар сайхан

Эх нутаг минь шүлэг шиг сайхан
Эх орон минь дуу шиг сайхан
Эргэх дөрвөн улиралд амьд явах сайхан
Эрээнцавд гол урсах сайхан

4.
Навч ганц нэг унах сайхан
Наран толгодын цаанаас харах сайхан
Сэв сэв салхи үлээх сайхан
Сэм сэмхэн хуй босох сайхан

Гол мяралзан урсах сайхан
Ганц нэг ялаа долгионд нь суух сайхан
Морины шар хомоол тэрүүхэнд хөвөх сайхан
Модон тэрэгний ганц ялуу урсаж өнгөрөх сайхан

Хол ойрыг санагалзах сайхан
Хот айлаас хэн нэгэн нь явахад үг захимаар сайхан

Алаг нүдний нулимсан дусалд багтан
Ай миний эх орны дөрвөн цаг
Асгаруулан мэлтэлзүүлэн байна уу да
Аяа хөөрхий гэж...........

АЗ ЖАРГАЛЫН ТӨЛӨӨ ХАМТДАА уриатай  БЛОГТ маань тавтай морил.
Та блогноос маань маш олон зүйл сурч мэдэн, олон сонин сайхан зүйл бүхнийг олж мэдэх болно гэдэгт итгэлтэй байна.

ТАВТАЙ МОРИЛ. 
WELCOME TO MY BLOG.